Nga një biznes familjar i krijuar nga tre vëllezërit Naim, Bujar dhe Lumni Berisha, Berisha Group sot është një histori e gjallë suksesi që dëshmon se çdo arritje e madhe është e mundur me punë të palodhshme, angazhim të vazhdueshëm dhe mbi të gjitha, me mirëkuptim dhe konsideratë për fjalën e tjetrit. Ky biznes është një shembull i fortë i vlerave që një familje mund të rrisë në një mjedis pune, ku bashkëpunimi dhe respekti janë baza e çdo hapësire dhe projekti të suksesshëm. Me përkushtim dhe besim të palëkundur, vëllezërit Berisha kanë arritur të krijojnë një kompani që jo vetëm ka ndikuar pozitivisht në tregun e ndërtimit në Kosovë por ka ndërtuar gjithashtu një reputacion të fortë dhe të besueshëm për cilësinë dhe profesionalizmin e shërbimeve që ofron.
Sot, Berisha Group është një nga korporatat më të mëdha në industrinë e ndërtimit, e cila operon në 6 qytete të Kosovës, me 7 divizione dhe me mbi 300 punonjës të angazhuar. Puna e palodhshme dhe angazhimi i vazhdueshëm për cilësi dhe profesionalizëm, kanë mundësuar që Berisha Group të jetë një partner i besueshëm për klientët në rrugën drejt realizimit të ëndrrës së tyre për shtëpinë ideale.
Me një histori të pasur suksesi dhe një reputacion të fortë, Berisha Group vazhdon të ofrojë zgjidhje inovative dhe shërbime të cilësisë së lartë.
Të jemi lider në industrinë e ndërtimit, në Kosovë dhe më gjerë duke ofruar shërbime të plota në secilën faze të ndërtimit duke filluar nga vënia e gurthemelit deri në finalizimin e ndërtesave innovative dhe cilësore. Ky vizion reflekton dëshirën e kompanisë për të ofruar një gamë të plotë shërbimesh dhe për të sjellë çdoherë risi dhe inovacion në tregun kosovar e atë rajonal.
Të ofrojmë zgjidhje jetësore të banimit duke punuar në ndërtesa cilësore komode dhe kualitative. Përmes shërbimeve cilësore dhe profesionale që ofrojmë ofrojmë një eksperiencë unike gjatë procesit të shitblerjes së patundshmërive dhe me transparencë maksimale mundësojmë që secili klient të ndihet i sigurt me zgjedhjen e tij.
Inovacion
Ne inkurajojmë zhvillimin e ideve të reja dhe ecjen përpara krahas zhvillimit të teknologjisë dhe dizajnit.
Cilësi
Ne kujdesemi që shtëpia juaj e ardhshme të jetë e ndërtuar me materiale kualitative që të ofrojë komoditet dhe rehati të përhershme.
Përgjegjësi Mjedisore
Jemi të përkushtuar për të ndërtuar duke pasuar parimet e qëndrueshme ndaj mjedisit duke zbatuar praktika të sigurta.
Përkujdesje
Ne jemi të përkushtuar maksimalisht ndaj ofrimit të zgjidhjeve të duhura jetësore për klientët tanë.
